Follow Us on Twitter

21 June, 2017

Rohit Maan

Youtube Videos Download Karne Ke Kuch Tarike: Youtube Videos Kaise Download Kare

By     Comments

Welcome to Technical Guruji...


Youtube world ka sabse jyada populer online video watching platform hai.. Youtube par ham apni pasand ka koi bhi video search karke online, bina download kiye dekh sakte hain.. Yaha tak ki iss par hum apna khud ka acha video bhi yaha par upload kar sakte hain...

Lekin,
           Youtube sirf online video dekhne ka option deta hai.. Jab hame apni pasand ka koi video download bhi karna ho to hum yaha se aisa nahi kar sakte. Yeh Youtube ki sabse badi problem hai...

Kai baar youtube par hame koi aisa video bhi mil jata hai, jisko hum download bhi karna chahte hain, ya aisa bhi hota hai, ki slow internet ki wajah se hum usko jaldi nahi dekh pate hain, or sochte hain ki hum isko hum download karke dekh lein, to hamare samne problem aa jati hai, ki hum aisa kaise kare, kyuki youtube se to hum video ko download nahi kar sakte hain..

Aise me hum koi 'Third Party' Formula try karte hain, or hum koi app download karte hain, jo hume youtube videos download karne me help kare.. Hum kuch third party apps se aisa kar to sakte hain, lekin hame isme kuch problems hoti hain, Jaise -

Apni Pasand Ka Video Na Milna,
Downloading Me Problems, or
Apps Me Unwanted Ads Ka Show Hona, etc.

Lekin Socho, 

                       Agar aisa koi rasta ho, jis se hum bina koi apps download kiye, Direct apni pasand ka video online hi download kar sake..

To Friends... Aap aisa kar sakte ho or bina kisi app download kiye, direct apna youtube video download kar sakte ho..
Aaj iss post mein, me aapko yahi btauga ki Youtube Video, Bina koi app download kiye Direct kaise download kare...

➡ To Chaliye Jante Hain, Ki Hum Aisa Kaise Kare :-


Technical Guruji


Aisa karne ke liye aapko Websites par jana hoga, or yaha par aapko ek uss video ka URL daalna hoga, jis video ko aap download karna chahte hain...


Step 1 :-

Sabse Pehle aap yeh website Open kare - Click Here


Step 2 :-

Ab yaha ek page open hoga.. Yaha aapko ek box milega.. Isme uss video ka URL enter kare, jisko aap download karna chahte ho, Or " Download Video" par click kar dein..


Technical Guruji


Step 3 :- 

Ab click karne ke baad next page me uss video ke 'Format or Links' aaege.. To aap jis format me video ko download karna chahte hain, uski link select kare..

For Example :- Mp4, Mp3 Formats..


Step 4 :- 

Ab aapke pasand ke formet select karne ke baad aapka youtube video download hona start ho jaega...


➡ Iske alawa aap ek or website ko try kar sakte ho, jo aapke liye best rahegi..


Step 1 :-

Sabse pehle iss web page ko open kro - Click Here


Step 2 :-

Yaha par next page par aapko ek box milega, usme Video ka URL enter kare, or "Chose Formet" par click kar dein..


Technical Guruji


Step 3 :-

Next page me apna formet select kare, or apna video download kar lein..

➡ Inn websites par videos ko download karne ke aapko kisi bhi type ke koi SIGN UP ya LOG IN ki jarurat nahi padti.. Aap Direct video ka URL type karke, ekdum easy tarike se apna video downloam kar sakte ho...

Note :- Video ka URL lene ke liye Youtube par jao, or apne Video ko select kare.. Select karne ke baad uske url par click karke, usko copy kar lein...


To Friends...
                       Aapko yeh post kaisi lagi, hame jarur btaye or apne kisi bhi type ke quetion ko hame 4 kare.. Kisi bhi type ki other help ke liye apna quetion humse kare... Thanx..
Continue Reading >>

19 June, 2017

Rohit Maan

Ek Accha or High Traffic YouTube Video Kaise Create Kare, Accha Youtube Video Banane Ke Kuch Tips

By     Comments
Kisi bhi Youtube channel or youtube video ke famous karne me uske videos ka sabse important sthaan hota hai. Agar youtube videos accha nhi hua or usko visitors ya viewers jyada pasand nhi karege or aapka channel kabhi success nhi hoga.

Namaskar Dosto... Technical Guruji par aap sabhi ka swaagat hai..

Aapne hamari previous posts me youtube ke baare kaafi kuch jaana hoga. Aaj hum aapko batayege ki ek perfect youtube video kaise create kare. Best Youtube video create karne ke baare me besic tips ke liye hamari yeh post padhe.

To Chaliye Shuru Karte Hain....


Ek Accha Youtube Video Create Karne Ke Liye Kuch Khash Tips 


Technical Guruji


Apne Videos Ke Liye Research Kare 


Youtube video banane se pehle video ke baare me full research karna bahut jaroori hota hai. Fix kare ki aapko apna Video kaise create karna hai or aapko apne video me logon ko kya kya dikhana hai.

Video bnane se pehle apne video ki ek script banaye, acchi practice kare, Video ke baare me poori traha research kare. Agar ho sake to jis topic par aap video create karne wale hain, uss topic ke kisi expert se thoda bahut discuss jaroor kare or jab aapko aapke video ke topic ke baare me poori tarha se pta ho jaaye, tabhi video create karna start kare.


Acchi Quality (HD) Camera Ka Use Kare 


Youtube video ke liye videos quality ka bahut important sthaan hota hai. Agar aapke video record karne waale camera ki quality acchi nhi hui, to aap kabhi bhi ek Accha video record and create nhi kar payege. 

Kuch Youtuber's youtube videos create karne ke liye mobile phone camera ko hi use me lete hain. Agar aap bhi aisa karte hain, to me aapko bta du ki mobile se youtube videos create karna possible hai, lekin mobile camera ki quality badiya honi chahiye. Agar mobile camera quality acchi hui to aap mobile phone se bhi acche acche youtube videos ekdum easily create kar sakte ho, lekin wah recording ke time back nhi rehna chaiye kyuki jyadatar mobiles me video record karne par videos or sounds ke bich difference reh sakta hai.

Ek Accha Youtube video create karne ke liye me aapko ek hd camera use me lene ki advice deta hu. Aapko market me law price me bahut se acche videos recorder camera's mil jaege., Lekin Iske liye aapko 200 $ - 250 $ tak kharch karne padege. Agar mobile phones ki baat ki jaaye to kuch aise phones bhi hain, jinki camera quality better aati hai, or aap unse apna youtube video create kar sakte ho. Aise mobiles ka example LG G4 smartphone ko kaha ja sakta hai.

High Quality Audio Hai Jaroori 


Jaise Video record karne ke liye high quality camera ki jaroorat hoti hai, waise hi Video me high quality audio ka bhi bahut important sthaan hota hai. Video ki audio quality jitni jyada better hogi, viewers aapke video ko utna hi jyada pasand karege.

Kai baar aapko videos long distance se create karne ki jarurat pad jaati hai, aise me aapke saamne dikkat video ki audio quality ki aati hai. Jyada door se record karne par aapke video me aapki voice clear record nhi hoti hai. 

Isliye aisi problems ke solution ke liye aapko high quality microphones ko use me lena chaiye. Microphones ki madad se aap apne video ke liye audio ko ekdum better record kar sakte ho. Microphones ke liye aapke kuch paise kharch karne padege. Aapko Market me 100 $ se 200$ tak acche microphones mil sakte hain, jinse aap apne voice ko ekdum paas se or full hd me record kar sakte hain.

Iske liye Aapke paas 'The Rode VideoMic' sabse best option hai.


Full Light Me Video Record Kare 


Youtube video record karne ke liye ek best quality camera ke saath saath aapko ek perfect video record location/palace ki bhi jarurat hoti hai. Apna youtube video create karne se pehle hamesha ek acchi light waali location select kare.

Apna Video record karne ke liye aap koi close room select kare, jisme full lights ho. Iske alawa ek baat ka hamesha dhyaan rakhe ki video record karte waqt camera ke saamne koi bhi light na ho. Agar aisa hua to video kabhi bhi accha record nhi ho paega. Isliye aap video record karne waale camera ko aisi jagah set kare, jaha par camera ke back side par lights ho, front par nhi.

Agar aap open palace videos record karte ho, tab bhi lighting ka khash dhyaan rakhe.


Video Ko Jyada Long Na rakhe 


Youtube Video ko record karte time video ke runtime ka bhi khash dhyaan rakhe. Youtube video ka jyada long create na karke short video create karne par focus kare. Jyada long video ko viewers poora nhi dekhte hain or aapka video boring lagne lagta hai. Agar video short hua to viewers usko jyada pasand karege or video ko poora dekhege.

Jaha tak video ke runtime ka sawal hai, to jahan tak possible ho sake video ko 3 to 7 minutes ka hi create kare. Iss se jyada ka video agar hua to viewers ko jyada pasand nahi aaega. Iske alawa aap 3 minutes se kam ka bhi video create na kare.


Add Background Sounds, Logo and Thumbnails 


Video me normal background sounds bhi add kare. Background sounds se video or jyada better bann jaata hai or usko visitors pasand karege.

Iske alawa video ki starting me apne youtube channel ka official logo and images bhi use kare. Jis jagah par aapko video me Thumbnails or screenshot etc add karne ki jarurat ho, to jaroor add kare or video ke empty space ko fill kare. 



Edit Your Video


Video ko poori tarha se record karne ke baad usko acchi tarha se edit kare. Video create karne ke baad video ko full watch kare or phir fix kare ki aapko apne video me kya rakhna hai or kya nhi, uske baad apne video ko edit kare.

Video editing ke liye acche software ka use kare. Adobe Premier, Sony Vegas, and Camtasia Studio etc. Aapke liye best video editing software hain.Adar aap smartphone se video bnate or edit karte hain to video editing ke liye Kinemaster Pro sabse best hai.



Finally...
                 Aapko hamari yeh post kaisi lagi hame jarur btaye or isko apne friends ke saath share kare.
Youtube se related aisi hi other latest posts, tips and updates ke liye hamari website Technical Guruji ko follow kare..


Thanks for read this article and visit Technical Guruji...
Continue Reading >>

10 June, 2017

Rohit Maan

YouTube Go App Se Bina Buffering Kiye Video Kaise Dekhe, Youtube Go App Ki Basic Jaankari

By     Comments


Hello friends. Welcome to Technical Guruji...



Youtube ek bahut hi popular website h. Jaha se rozana karodo videos dekhe jate h or upload kiye jate

India me dino din mobile users ki sankhya badhti hi jaa rahi h aur iska fayda google jarur lena chahta h .isliye ye app ab har mobile users ke liye taiyar ki gayi h.

har insaan youtube ko pasand karta h or isi chiz ko dhyan me rakhe hue 'google india' ne bharat me youtube ko aur adhik popular or achhi app banane ke liye ek nayi app launch karne ki taiyari kar li ,jisse sabhi users ab bina buffering ke aur low internet speed pe bhi youtube videos ko bahut achhe tarike se dekh skte h.


Aisa pahli bar hua ki google me ye app sabse pahle india me hi launch ki h ,kyonki bharat me waise internet speed ki quality low h aur youtube videos sahi nahi chal pate h ,isi chiz ko dhyan me google ne rakha aur naye logon ke liye ek nayi app taiyar ki jiska naam unhone rakha h-youtube go app.



Also Read - YouTube kya hai or youtube se paise kaise kama sakte hain

Ye app india me launch ho chuki hai aur iski ghosna bhi kar di gayi hTo friends taiyar ho jaeye ek aur mazedar app ka fayda uthane ke liye.

 Youtube go app ki jankari abhi kuch din phle hi youtube product management vp "Johanna wright" ne iski ghosna kar di h.


Unhone kaha h ki youtube go app se nai pidhi ke yuva logo ko bahut hi fayda hoga aur ye google ki bahut achhi service ham bharat me chalu kr rahe h.



www.technicalvuruji.com
To chaliye mai apko youtube go app ki kuch basic features bata deta hu ki ye app akhir h kya


#1.offline vidoes save kar skte h ,bahut kam memory me:-


Is app ki sabse achhi khasiyat yahi h ki iss app se users koi bhi videos offline dekhne ke liye save kar skte ,aur wo bhi bahut kam memory me.



#2. preview dekh skte h:-

www.technicalguruji.com

Is app ke jariye ham jis bhi videos ko dekhta ya download karna chahte h uska pahle preview bhi dekh skte h ki videos achha h ya nahi h.to ye bhi is app ka ek bahut achha features h.



#3. offline share bhi kar skte h:-

www.technicalgurujicom

 youtube go app se ab koi bhi videos share kar skte h ,app videos ko bluetooth se bhi share kar skte h



#4. 2 homepage:-


 is app me 2 home page bhi diye gaye h ,jisme users ek pe videos ko search kar skte aur browse kar skte h a

Aur dusre page pe offline saving videos ko dekh skte h.


#5.local language :- 


youtube go app ne 10 local bhasa ko bhi prathmikta di,isme hindi,bangali,tamil etc language me videos uplabdh honge.



#6. data friendly features:-


www.technicalguruji.com

Iska mtlab hi youtube go app se jab bhi koi videos save krna hoga to ,ye hamari external memory aur network connection ke hisab se hi us videos ki memory ko set kar dega aur users kam samay me bhi achha videos download kar skte h.


Friends ye app abhi tk launch nahi hui ,lekin ye jald hi india me uplabdh karwa di jayegi ,abhi tk iski koi timeline nahi di gayi h,google ke ceo sunder pichai iski launching jald hi india me karnge


Lekin indian user ke liye ek suvidha di ki wo youtube go app ke liye sign up kar skte aur ye kab launch hogi uski jankari le skte h ,aur sabse phle download kar skte h


Agar app sabse phle iss app ka use krna chate h to is link pe click ka


Yaha click kare


Apko ye hamari jankari kaisi lagi ,hame jarur bataye aur iss app ka jarur fayda uthaye.apne friends ke sath share bhi kare.


Thanx for reading!!



Also Read - How to create and Customize new youtube channel

Continue Reading >>

09 June, 2017

Rohit Maan

How To Create and Customize A Brand New Free YouTube Channel (Full Guide in Hindi by Technical Guruji)

YouTube ke baare me to sabhi jaante hain. Humne previous post me aapko youtube ke baare mein poori tarha se btaya bhi tha. 


Ab agla topic aata hai Youtube channel ke baare mein. Youtube channel kya hota hai, yeh to aap previous post ko padhne ke baad acchi tarha se jaan hi gaye honge. Ab topic hai Youtube channel create karne ke baare mein ki youtube channel create kaise kiya jaata hai.

Agar aapko bhi apna ek brand new youtube channel create karna hai, lekin aapko poori tarha se pta nhi hai ki channel kaise create kare, to aap hamari yeh post padhe.

Iss post mein hum yahi jaanege, ki youtube channel kaise create kare or youtube channel ko acchi tarha se setup kaise kare..

Technical Guruji


तो चलिए शुरू करते हैं।

YouTube channel create karne ke liye sabse pehle aapko www.YouTube.com home page par jaana hoga.

Step 1 -

YouTube ke home page par jaane ke baad Right side me upar dikh rahe Sign In par click karke apne gmail id se login kare.





Step 2 -

Login/Sign in karne ke baad aap ek baar phir youtube ke home page par pahunch jaege.



Note :- Youtube par Sign in karte hi aapka normal youtube account ya Channel create ho jaata hai, lekin yeh aapke pasand Youtube channel name se na hokar aapke gmail user name se create hota hai.

Isko Change karne ke aapke paas 2 options hain.

1) First option hai ki aapko apni gmail id ka user name change karna hoga.

For example - Meri  gmail id ka user name Rohit maan hai, to mujhe isko Change karke wo karna hoga, jis name ka me Youtube channel create karna chahta hu. Jaise :- Technical Guruji.

( Apne gmail id ka user name aap google account par jaakar change kar sakte hain, ya direct youtube ke madhyam se bhi isko change kar sakte hain.)


2) Agar aap apni gmail id ka user name change nhi karna chahte ho, to aapke paas 2nd option hai ki aap ek or new youtube channel create kare.

Agar aap ek or youtube channel create karna chahte hain, jo aapke manpasand name ka ho, to aap apna new ( ek id se 2nd channel ) youtube channel aise create kar sakte hain :-

Iske liye aap yeh steps follow kare -

Step 1 -

Sabse pehle youtube home page me jaaye or apne profile gear icon par click kare. 

For help, see this screenshot below 



Step 2 - 

Click karne ke baad aapke saamne ek new pop-up window open hogi. Isme 'Setting' icon par click kare.

For help, see this screenshot 



Step 3 - 

Ab jo next pop-up window open hoti hai, usme sabse niche dikh rahe " Create a new channel " par click kare.


Step 4 - 

Ab next page me aapko aapke new channel ka name pucha jaega, isliye box me jis name se aap youtube channel create karna chahte hain wo bhare or phir niche Blue column me dikh rahe 'Create' par click kar dein.

Help ke liye upar ka screenshot dekhe.



Note - Apne youtube channel ka name soch kar rakhe or wahi rakhe jo aap permanently rakhege or use karege, kyuki isko phir change nhi kiya ja sakega.


Create par click karte hi aapka new youtube channel create ho jaega..

Aapka youtube channel create karne par ekdum normal hota hai. Matlab isme koi bhi profile photo, cover photo or description etc nhi hoti hain. Jaise iss screenshot me hai -



 Isliye aapko apne new youtube channel ko customize karna hota hai. Apne new youtube channel ko fully customize/setup karne ke liye aap hamari yeh steps follow kare -

New Youtube Channel Ko Customize/Setup Kaise Kare


- Sabse pehle apne youtube home page par jaaye or menu gear icon par click kare.



- Ab aapke saamne jo list open hoti hai, usme se 'My Channel' par click kare.

My Channel par click karne ke baad aapke saamne aapka youtube channel open ho jaega. 

Yaha aap Add Channel Art par click kare.


Ab isme aap changes kar sakte hain.

Upload Profile Photo - 


New Profile photo upload karne ke liye upar left side ke profile par likhe edit icon ✏ par click kare.



Ab next page me aapko photo select karne ko kaha jaega. Isliye aap gallery me jaakar apni pasand ki profile photo select kar upload kar dein..


Upload Cover Photo - 



Channel par apni pasand ki cover photo upload karne ke liye channel cover ke last me edit icon gear ✏ par click kare.

Ab next page me same usi tarha, jaise profile photo select ki thi, select karke upload kar sakte hain.

Add Channel Description -


Yeh sabse jyada important work hota hai channel bnane ke baad. Description aapke channel ke baare me visitors/viewers ko btata hai ki channel kiske baare me or channel par kya upload ya share kiya jaata hai. Isliye apne youtube channel ki discription ko soch samajh kar or acchi tarha likhe.

- Channel Discription add karne ke liye apne youtube channel par jaaye or About par click kare.



- Ab About page open hone ke baad yaha aapko Discription ka option milega. Isme Channel Description par click kare.



- Ab jo box open hota hai, usme apne youtube channel ki discription acchi tarha likhe or full likhne ke baad niche Done par click kar dein.




Now that All...

Ab aapke youtube channel ki discription add ho jaegi.



Ab itna kuch karne ke baad kaam bachta hai Youtube par video upload karne ka.

To chaliye jaante hain ki

YouTube par apna video upload kaise kare


YouTube par apna channel successfully create karne ke baad uspar apna first video upload karne ke liye aap home page par show ho rahe Upload icon par click kare.



- Ab next page par Select files to upload par click kare. 

Ab ab apne computer/mobile me se apna video select kare.


- Video select karne ke baad aapka video upload hona start ho jaega. 

Video upload hone or processing poori hone me thoda time lagega. 

- Video poori tarha upload hone ke baad apne video ka Title, Video Discription, Video Tags etc. Enter kare.



Note - youtube videos me Discription or Video Tags add karne bahut important hote hain. Issi se hi aapke videos par jyada views aate hain.

Apne video ka thumbnail select kare, or phir sabhi jaroori details fill karne ke baad Publish par click kar dein.

Ab aapka youtube video youtube par upload/share ho gaya hai. Next page me aapko aapke video ko share karne ka option milega, isliye agar aap chahe to isko direct social media par share kar sakte hain, ya apne youtube video ki link copy par sakte hain.

See this screenshot


 
Ab video publish hone ke baad Aap isko apne youtube channel par dekh sakta hain..


Finally....
                 Technical Guruji ki yeh post aapko kaisi lagi, hame comment ke through jaroor btaye, ya aapka youtube se related koi bhi question ho to hame comment me btaye... 

Thanks for reading this post and visit technicalguruji.com 
Continue Reading >>

07 June, 2017

Rohit Maan

TechnicalGuruji - YouTube Kya Hai or YouTube Se Paise Kaise Kamate Hain

Youtube ke baare me to aaj lagbhag sabhi jante hi hain. Aaj youtube duniya ka ek bahut hi famous online social platform hai, jaha log online videos dekh sakte hain or apne khud ke video upload ya share kar sakte hain. Bahut se log youtube par apni pasand ke videos search karte hain or online watch karte hain..

Waise mujhe youtube ke baare me jyada kuch btane ki jarurat to nhi hai, lekin phir bhi aise kuch topics hain jinke baare me aap nhi jaante honge.
Hamare bahut se aise readers hain jo humse youtube ke baare me questions karte hain, jaise - 

- Youtube Kaise Work Karta Hai,

- Youtube videos kaise banate hain,

- Youtube Channel kaise banaye,

- Youtube se paise kaise kamaye jaate hain,

- Youtube par videos kaise upload kare etc. bahut se questions hain, jinke baare me readers humse jaanna chahte hain.

To ab hum aapke inhi questions ka jawab dene ki kosish karege or hamari kuch upcoming posts se aapko youtube ke baare me poori tarha step-to-step btane or ek ek karke aapke sabhi questions ka answer dene ki kosish karege.

:- Aaj iss post me aap youtube ke baare me kuch basic information hi jaaenge, jaise - Youtube kya hai, Youtube ka kya kaam ya upyog hota hai, Youtube Kaise Work Karta Hai, Youtube se Paise kama sakte hain ya nhi etc. Isliye youtube ke baare me kuch basic information Jaane ke liye aap hamari yeh poori post dhyaan se padhe..

तो चलिये शुरू करते हैं।

Technical Guruji

Youtube Kya Hai 


Youtube ek free videos sharing website hai, jaha users online videos dekh sakta hai, Videos par apni rating or comments de sakta hai or apne khud ke videos upload (share) kar sakta hai.

Youtube ki sthapana 14 February, 2005 ko hui thi. Iska mukhyalay San Bruno, California, America me hai. 
Youtube ki world wide ranking 2 hai. YouTube google ke dwara chalayi jaati hai or youtube ka advertiser Google Adsense hai. 

Web par Aajkal ki sabhi sabhi video websites me se youtube sabse upar hai, jaha daily lakhon videos upload or watch ki jaati hain. Youtube web par first aisi site hai, jaha par har roj itne jyada videos upload kiye or dekhe jaate ho. Youtube par every minute 350 minute ki videos upload hoti hain, or every month 8000 lakh logon se bhi jyada iss website ko visit karte hain. 

Youtube par har koi visit kar sakta hai or jiska google account or youtube channel ho wo youtube par apne khud ke unlimited videos upload kar sakta hai. Youtube use karne me ekdum free website hai..


Youtube Channel Kya Hai


Youtube par videos upload karne ke liye google id se ek account create kiya jaate hai. Youtube par iss account ko hi Youtube Channel kaha jaata hai. Youtube channel google id wala har koi create kar sakta hai or ekdum free hota hai.

Koi bhi agar youtube par apna video upload karna chahta hai, to usko pehle youtube par apna ek khud ka youtube channel create karna padta hai. Bina youtube channel ke koi bhi videos upload nhi kar kar sakta..

So,
       Simple words me kaha jaye to youtube par bnaye jaane wale account ko hi youtube channel kaha jaata hai, jisko har koi or free me create kar sakta hai..

Youtube Partnership Programme Kya Hai


Youtube par new Channel create karke apne videos upload karna or phir usko earning (kamayi) ke liye google Adsense ke sath jodna hi ek tarha se youtube Partnership Programme hai.
Youtube Partnership Programme ka hissa banne ke liye aapko pehle apne youtube videos ko monetize karke unpar acche view laane jaruri hote hain. Agar aapke youtube videos par acche views nhi hue to aap youtube Partnership Programme ke liye qualified nhi honge or aap apne videos ke saath google Adsense ko jodkar paise nhi kama payege. Isliye youtube partnership programme ke liye jyada se jyada youtube videos upload kare or unko social sites or apne friends ke saath share karke jyada se jyada views laaye..

Ab aap samajh hi gaye honge ki youtube partnership programme kya hai or iske kaise liye kaise qualify ho sakte hain.

Kya YouTube Se Paise Kama Sakte Hain


Yes.. Youtube se aap paise kama sakte hain. Youtube se paise kamane ke liye aapko apna ek alag youtube channel create karna hoga or phir uspar apne khud ke banaye videos upload karne honge. Aapke upload kiye gaye videos acche, youtube policy ko follow karte hue or unpar jyada views aate ho to aap apne youtube videos se paise kama sakte hain..

YouTube Se Paise Kaise Kamaye ya Youtube Paise Kaise Deta Hai


Jaisa ki maine aapko upar btaya hai, ki youtube se paise kamane ke liye aapko apna khud ka ek channel create karna hota hai or phir uspar kuch acche acche or khud ke create kiye hue videos upload karne hote hain.

Phir agar aapke videos par daily acche views aate ho to aapko youtube channel youtube partnership programme ke liye qualify hota hai. Qualify hone ke baad aapko apne youtube channel or uske sabhi videos ko google Adsense ke saath jodna hota hai. Iske liye aapko apna ek google Adsense account create karna hota hai, ya agar aapka pehle se Adsense account ho to aap uss se bhi jod sakte hain.

Youtube channel ko google Adsense account ke saath jodne ke baad aapke videos ke start hone se pehle google ads show karne lagta hai. Jab viewers aapke videos ko dekhega to usko apka video start hone se pehle ads dikhega. Agar viewers unn ads ko dekhega ya click karega, to google Adsense aapko uske paise dega.

Yahi tarika hai Youtube se paise kamane ka. Aapke videos ko har baar ads nhi milte. Agar aapka video 1000 baar dekha jaata hai to unme se 300-400 baar hi video ki starting me ads show hote hain or unke hi aapko paise milte hain. Isliye agar aapke youtube channel par acche subscribers hain or aapke videos ko daily acche views milte hain to aap youtube se acche paise kama sakte hain.
Technical Guruji



YouTube Ki Kuch Terms and Conditions


Agar aap youtube se videos kamane chahte hai, or youtube ki duniya me success hona chahte hain, to aapko youtube ki kuch Terms and Conditions hain, unko follow jarur karna hoga warna aap youtube me success nhi ho paega or iss se paise nhi kama payege. 

Youtube ki kuch Terms and Conditions yeh hain, jinko aapko jarur follow karna chaiye :- 

1 Porn videos ko aap youtube par upload nahi kar sakte.



2 Copy kiye huye videos youtube par upload nhi kar sakte.



3 Aap aisa koi bhi video upload nahi kar sakte jis se kisi ki religious beliefs ko nuksaan  ho.



4 aap ke videos helpful hone chahiye.


5 Upload kiye gaye videos par hazaron (millones) views hone chaiye.



6 Koi bhi copyright music photo or content ka use naa kare.


Jyada jaanne ke liye Youtube partnership policy page par visit kare aur jankari le.

Note :- Youtube ki new policy ke anusaar aap apne video ko tabhi monetize kar skte h jab aapke views 10000 se upper ho. ( Total videos ke views count hote h isme matlab jitne video aapne dale h unpe 10000 views hona jaruri h, Sabhi videos ke views ko mila karke ) 


Finally, 
              Ab me aapko yahi kehna chahuga ki agar aap youtube ki privacy policy or Terms and Conditions ko poori tarha follow karte hain or iske liye acchi mehnat karte hain, to aap youtube se acche khase paise kama sakte hain..

Iss post ke baare me apne keemati review jarur dein or kisi bhi tarha ki other help ke liye humse apne questions comments box me kare..


:- Youtube se related other posts or jaankari ke liye TechnicalGuruji.com ko follow karte rahe....
Continue Reading >>